iPhone 16 me portën USB-C, ja çfarë mund të bëni me të.

iPhone 16 me portën USB-C, ja çfarë mund të bëni me të.

Të gjitha modelet e iPhone 16 janë të pajisura me një portë USB-C, duke zëvendësuar portën e vjetër Lightning të Apple. Përmes USB-C, ju mund të lidheni me një numër të madh aksesorësh dhe pajisjesh periferike. iPhone 16 Pro dhe iPhone 16 Pro Max mbështesin shpejtësi më të larta USB-3 përmes portës USB-C, duke mundësuar transferimin e të dhënave deri në 10 Gbps.

USB-C e bën të lehtë lidhjen me ekrane, hardisqe të jashtme për ruajtje të dhënash, kamera dhe karikimin duke përdorur të njëjtin kabllo si për pajisjet e tjera. Ja çfarë mund të bëni me iPhone-in tuaj 15, 16 dhe portën e tij të re moderne …

Ky udhëzues është krijuar për njerëzit që po kalojnë në iPhone 16 nga brezat më të vjetër të iPhone nga 14 e poshtë. Por nëse keni një iPhone 15, gjithçka është e vlefshme edhe për atë pajisje, pasi pikerisht tek 15 filloi tranzicionin në USB-C.

iOS mund të menaxhojë automatikisht shumë lloje aksesorësh që lidhen me të. Një pikë që duhet pasur parasysh është se jo të gjitha kabllot USB-C janë njësoj. Disa mbështesin vetëm karikimin, ndërsa të tjerat mbështesin transferimin e të dhënave. Duhet të siguroheni që të përdorni një kabllo të vlerësuar për USB-3 për të përfituar nga shpejtësitë më të larta të transferimit të dhënave që ofrojnë modelet Pro.

Karikimi Universal me USB-C

Tani që keni një iPhone me portë USB-C, ndoshta jeni afër mundësisë për të përdorur të njëjtën kabllo për të karikuar të gjitha pajisjet tuaja. Të gjitha iPad-et e rinj kanë një portë USB-C dhe të gjithë Laptopet Mac kanë përfshirë portë USB-C prej të paktën pesë vjet. Mac-et më të fundit vijnë me karikuesin MagSafe të Apple, por gjithashtu mund të karikohen duke u lidhur me një nga portat e tyre USB-C. Gjenerata më e fundit e Apple TV ka një telekomandë USB-C, dhe Apple sapo ka lançuar AirPods 4 dhe AirPods Max të reja me karikim USB-C.

Me iPhone 16, ju do të merrni një kabllo USB-C të thurur dhe cilësor brenda kutisë. Kjo kabllo mbështet vetëm karikimin. Nëse ju nevojiten më shumë, Apple shet kabllot e saj të karikimit USB-C veçmas, por mund të blini gjithashtu kabllo USB-C më të lira, me stile dhe gjatësi të ndryshme, nga marka të tjera.

Për të karikuar iPhone-in tuaj me shpejtësi maksimale, do t’ju duhet një adaptor energjie 30-watt. Duke karikuar me kabllo në 30-watt, mund të kaloni nga 0% në 50% për rreth 30 minuta. Gjithashtu, mund të përdorni pa problem adaptorë energjie me fuqi më të lartë, si ai që vjen me MacBook-un tuaj.

Karikoni pajisje të tjera duke përdorur baterinë e iPhone 16.

Mund të përdorni gjithashtu baterinë e brendshme të iPhone-it tuaj për të karikuar aksesorë të tjerë. Përmes portës USB-C, iPhone 16 mund të ofrojë rreth 4.5 watt energji.

Këtë aftësi mund ta përdorni për të karikuar aksesorët e lidhur. Nëse AirPods tuaj janë me pak bateri, thjesht lidhni kutinë e tyre me iPhone-in dhe telefoni juaj do të veprojë si një mini-Power-bank e lëvizshme energjie. Madje, mund të karikoni edhe një iPhone tjetër – mjafton t’i lidhni të dy telefonat me një kabllo USB-C.

Lidhu lehtësisht me ekrane të jashtme

Me portën USB-C në iPhone 16, mund të dërgoni direkt pamjen në një ekran të jashtëm. Përdorni një kabllo USB-C në HDMI për të pasqyruar ekranin e iPhone-it tuaj në një TV ose monitor 4K.

Nëse dëshironi të kryeni seanca të gjata, si për të luajtur lojëra në ekrane të jashtme, mund t’ju duhet të përdorni adaptorin Apple USB-C Digital AV. Duke qenë se iPhone ka thjesht një portë, ky adaptor ju lejon të lidheni me HDMI, si dhe një portë USB Standarte, dhe nje USBc ku ju mund të siguroni karikim të vazhdueshëm për iPhone tuaj ndërkohë që shfaqni në ekran prezantimin, apo lojrat tuaja.

Zgjero hapësirën tuaj lokale me hard disk USB-C të jashtëm ose karta SD

Lidheni një hard disk USB-C ose një lexues kartash SD dhe përdorni aplikacionin Files në iPhone. Nëse jeni me pushime apo në një set xhirimi, dhe përdorni një kamerë, mund të importoni fotot drejtpërdrejt në aplikacionin e fotove të iPhone-it nga karta SD.

Aplikacioni i kamerës në iPhone 16 Pro ju lejon të regjistroni video ProRes 4K deri në 120 FPS direkt në një hapësirë ruajtjeje USB-3. ProRes është i pakompresuar dhe skedarët e videove që prodhon janë shumë të mëdhenj, duke konsumuar gigabajt të tërë për minutë regjistrimi. Duke lidhur një SSD portativ 1 TB, mund të regjistroni për një kohë të gjatë para se të mbushet hapësira. Kjo kërkon një kabllo USB-3 (jo thjesht një kabllo karikimi) për të përfituar nga shpejtësitë maksimale të transferimit prej 10 Gbps, të mundësuara nga kontrollori USB-C në çipin A18 Pro brenda iPhone 16 Pro.

Lidhu me tastiera dhe internet me kabllo

Porta USB-C në iPhone mbështet pothuajse çdo aksesor plug-and-play bazik që mund të mendoni, pa pasur nevojë për drejtues të veçantë ose konfigurim shtesë. Për shembull, lidhni një tastierë USB dhe ajo do të funksionojë menjëherë.

Nëse jeni duke krijuar një podcast, mund të regjistroni me një mikrofon të vogël USB-C. Për internet të shpejtë dhe të qëndrueshëm, përdorni një adaptor USB-C në Ethernet. Gjithashtu, nëse keni një tastierë MIDI, mund të kompozoni një këngë kudo, duke përdorur GarageBand ose aplikacione të tjera për krijimin e muzikës nga App Store.

Kufje me kabllo që funksionojnë me telefonin dhe kompjuterin tuaj.

Shumë prej nesh kanë lënë pas kufjet me kabllo dhe janë kaluar në opsione pa tela, si AirPods. Por nëse ende preferoni kufjet me lidhje kabllore, tani është shumë më e thjeshtë pasi iPhone-i juaj ka të njëjtën portë si Mac-u juaj. iPhone 15 është kompatibël me çdo kufje USB-C, përfshirë kufjet USB-C EarPods të Apple. Këto kufje funksionojnë gjithashtu me çdo kompjuter që ka një portë USB-C. Kjo do të thotë se mund të përdorni të njëjtat kufje me kabllo për iPhone, iPad dhe Mac-in tuaj. Nëse keni kufje me fishën standarte Jack, mund të përdorni adaptorin, USBc to Jack Adapter për ti lidhur ato.

Lidhuni me hube me shumë porta

USB-C është shumë fleksibël dhe mundëson kalimin e të dhënave dhe energjisë përmes të njëjtës portë. Kjo do të thotë që mund të mbani një pajisje të vetme, si një hub me shumë porta, që përmban lloje të ndryshme lidhjesh. Këto janë jashtëzakonisht praktike si aksesorë për iPad dhe Mac dhe tani funksionojnë edhe me iPhone.

Për shembull, një hub 5-në-1, do të funksionojë me portën USB-3 USB-C të iPhone 16 Pro. Ky hub ju lejon të lidhni ekrane të jashtme, të karikoni pajisjen, të përdorni aksesorë USB njëkohësisht.

Kujdes me furnizimin e energjisë

E vetmja gjë që duhet të keni parasysh është se iPhone mund të furnizojë hub-in me një maksimum prej 4.5 watt. Nëse po përdorni aksesorë që konsumojnë shumë energji, mund të jetë e nevojshme të lidhni një burim të jashtëm energjie.