Apple prezanton zyrtarisht MacBook Neo

Apple ka prezantuar MacBook Neo, laptopin e saj më të ri dhe më të përballueshëm. Ky është laptopi i parë i Apple që përdor çipin A18 Pro, i cili u prezantua fillimisht në iPhone. Eventi special u mbajt në New York City, pas prezantimit të gjashtë produkteve të tjera të reja nga Apple gjatë kësaj jave.

Ngjyrat dhe dizajni

MacBook Neo vjen në katër ngjyra të bukura:

• Silver

• Indigo

• Blush

• Citrus

Laptopi ka një dizajn alumini të qëndrueshëm dhe një ekran 13-inch pa notch, me rezolucion 2408 × 1506, ndriçim 500 nits dhe mbështetje për 1 miliard ngjyra.

Karakteristikat teknike

• Çip A18 Pro për performancë të fuqishme

• 8GB RAM (nuk ka opsion për më shumë)

• Mbështetje për një ekran të jashtëm

• Dy porta USB-C, por pa MagSafe

• Portë kufjesh në anën e majtë

• Audio stereo me dy hapje altoparlantesh në pjesën e përparme

• Jetë baterie deri në 16 orë

• Kutia përfshin adapter karikimi USB-C 20W dhe kabllo USB-C

Fjalët e Apple

“Jemi jashtëzakonisht të emocionuar që prezantojmë MacBook Neo, i cili ofron magjinë e Mac-it me një çmim revolucionar,” tha John Ternus, zv/president i Lartë i Inxhinierisë së Hardware-it në Apple.

“Ndërtuar për të qenë më i përballueshëm për më shumë njerëz, MacBook Neo ka dizajn alumini të qëndrueshëm në katër ngjyra, ekran brilant Liquid Retina, performancë të fuqishme nga Apple silicon, jetë baterie për të gjithë ditën, kamerë, mikrofonë dhe altoparlantë me cilësi të lartë, Magic Keyboard dhe Multi-Touch trackpad, dhe tiparet intuitive të macOS. Nuk ekziston asnjë laptop tjetër si ky.”